Friends

Wednesday, 23 March 2016

BALEA MED ултра сензитив гел за миење лице

После долга пауза се враќам назад и ветувам пост барем еднаш неделно. Од денес ќе бидам поативна на ФБ страната и на инстаграм, ако не ме следите клик на двете :)


Во изминатиов период користев неколку гелови за миење лице на Balea, па денес ќе ви пишувам за овој кој го користам во моментов.


 За околу 150 денари добивате 150 мл. производ кој можете да го купите во сите продавници на DM.  
Подолу на фотографијата ќе погледнете што вели ДМ за производот.

 Отворот не  е ниту премногу голем, ниту премал, па дозирањето е многу едноставно. Ми се допаѓа начинот на отворање и затворање, не сакам производи кои се со капачиња на навртување.

 Гелот е проѕирен и не  е многу густ. Потребната количина за миење на лице е колку зрно грав. Јас лицето секогаш го мијам два пати, па вториот пат нанесувам колку зрно грашок на четката и со кружни движење го поминувам лицето. Убаво ја вади шминката, не ми ја суши кожата, не ми ја иритира, а не ја ни мафрла. Понекогаш кога имам многу шминка на себе го комбинирам со уште еден гел на Балеа, но за тој ќе ви пишувам наскоро. 


Немам ниту една негативна карактеристика, но сепак би го оценила како 9/10.



Sunday, 29 November 2015

Четка за миење лице - Avon

Правилна нега на лицето значи и правилно чистење. Миењето на лицето само со вода одамна не е доволно. Верувам дека сите користиме некаков гел, пена за миење или пак сапун со кој се трудиме да ги отстраниме сите нечистоии од лицето. Но, колку навистина е чисто лицето кога го миеме со гел и нашите дланки?
Мислев дека сите нечистотии и шминката ги отстранувам со два пати нанесување на гел, но не сум била во право.
После многу изгледани видеа, прочитани рецензии посакав во секојдневната нега да вклучам некоја алатка која ќе ми помага во чистењето на лицето. 


Денес ќе ви пишувам за четката од Avon која пред се ме привлече поради цената. Не знам дали ја има во тековниот каталог, мојата е од пред неколку месеци и чинеше околу 200 денари.


 Намената на четката е да ја исчисти кожата. Јас ја користам така што прво го влажнам лицето со топла вода, ја топам и неа и на неа ставам гел за миење. Со кружни движење не повеќе од минута две  го чистам лицето.

 Мојата кожа е масна, со неправилности, па овој начин на миење и помага да биде чиста и негувана. Четката ја користам речиси секоја вечер бидејќи секој ден носам шминка. 
Ја чисти одлично шминката, кожата е мазна и нежна на допир, а го намали и појавувањето на мозолчиња.

Пред да почнам д аја користам четкава бев сигурна дека со две миење со гел е чисто лицето, но не бев во право. Кога почнав да ја користам четкава прво го измив лицето еднаш и бев непријатно изненадена како изгледаше четката од кога го измив и со неа. Наредниот пат го измив лицето со гел два пати како што го правев тоа и до тогаш и повторно четката беше валкана.
Мислам дека четката ја чисти длабински кожата, полесно потоа ги впива кремите и маслата кои ми се дел од негата, па поради тоа изгледа поубаво и посвежо.

Дали вие користите четка за миење или пак можеби нешто друго?

Sunday, 15 November 2015

It's autumn time


Здраво!


Skopje Casual и My: Time деновиве организираа блогерски предизвик. Целта на предизвикот е ние блогерките да покажаме како ќе го вметнеме во нашите комбинации часовникот од Fossil.
Напреварот официјално почнува од понеделник 16.11. и ќе трае до 21.11.
Правилата за гласање ќе можете подетално да ги најдете на страната на Skopje Casual.


Имајте убав ден!

Можете да гласате на следниов линк: Блогерски предизвик!

Благодарам! :)










Sunday, 13 September 2015

Forgotten photos

Здраво!

Широка блуза и тесно здолниште ми беше омилена комбинација ова лето. Овие фотографии се од пред речиси месец, но беа подзаборавени. Веќе почнав да носам затворени обувки па крајно време е да го објавам овој пост.  

Имајте убав почеток на работната недела :)








Tuesday, 8 September 2015

Eveline art scenic силиконска подлога

Здраво!

Подлога за шминка не сум користела никогаш. Дел од мојата секојдневна рутина како подлога под пудра ми е секогаш крема за лице и никогаш не сум ни помислувала дека треба да вметнам уште еден производ. 

Сепак сакав да пробам некоја подлога, а по разговор со една девојка се одлучив за оваа на Eveline. 


 Подлогата доаѓа во картонска кутија која е обложена со фолија. Мене тоа многу ми се допаѓа кај производите и секогаш имаат еден плус уште во старт. Кутијата е во златна боја и со големи црни букви пишува кој е производот и која му е намената.  


 Самата подлога е сместена во мека туба во црна боја, со капаче на навртување. На тубата со златни букви ги има најпотребните информации за производот. Ова е особено добро за оние како мене што немаат навика да чуваат кутии од производи. Подлогата има 30 мл. кои треба да се потрошат за две години од отварањето. Цената е нешто помалку од 300 ценари и можете да ја најдете во нивната продавница, на други места не сум ја забележала.

 Покрај заштитната фолија на кутијата и на самата туба има фолија. 

 Самиот производ е проѕирен со геласта и густа структура.  Поради структурата потребно е повеќе време за рамномерно да се нанесе на цело лице.  Има интензивен мирис кој мене лично ми пречи, но за кратко време се губи. 


Има два типа од оваа подлога. Едната е за сува и чувствителна кожа, а другата е за комбинирана и масна кожа. Јас ја имам втората која ветува мат ефект дури 16 часа.  Искрено не верувам дека има производ кој може да ја држи мат кожата 16 часа, па  ниту овој производ го прави тоа. 

Подлогава ја користам на два начина. Првиот е: крема за лице, подлогава и потоа коректор на критичните места. Вториот е: крема за лице, подлогава, пудра за лице, пудра во прав. Искрено јас сум многу позадоволна од првиот начин, иако во вториот користам и пудра во прав. Тогаш кожата ми е подолго време мат, не блеснувам речиси цел ден, отприлика 8,9 часа кожата ми изгледа пристојно. Со пудра мат сум 6,7 часа, што не е малку време, но користам мат пудри и пудра во прав.

Искрено јас не гледам потреба од користење на ваков производ особено не во секојдневна рутина. Мојата кожа е масна и мислат дека секој дополнителен производ може само да ја гуши повеќе. 

Мојата оцена за овој производ не знам колку може да ви помогне бидејќи е прва подлога која ја користам, не можам да споредам со друга. Сепак би ја оценила со 7/10, поради одличниот изглед кој го добивам кога сум без пудра, а со оваа подлога.

За жал не можев да направам фотографии од пред и потоа со подлогава.


Wednesday, 2 September 2015

AURA bronzer

Здраво!

Одамна сакав да го пробам овој бронзер од Aura, па на мојата среќа и немаше крај кога го добив. Иако избегнувам производи кои му даваат сјај на лицето, за овој брознер бев прилично љубопитна. 



 За цена од 430 денари добивате 25 грама производ, кој би требало да го потрошите 18 месеци по отварањето. Искрено не верувам дека некој би го потрошил за толку кратко време, јас го користам веќе неколку месеци и изгледа ко недопрен.

 Амбалажата е пластична со фин квалитет, во бронзена боја. 

 На капакот напишани се името на фирмата како и името на производот. 

На долниот дел го има составот на производот, производителот, но конкретен рок на траење не најдов. 

Мене многу ми се допаѓа сјајот кој го дава, не е нападен, не  е премногу сјаен. За жал ќе можете на фотографиите подоле да забележите дека нерамнините на лицето ги истакнува, но тоа го прави секој производ кој има ваква структура и намена. Многу малку производ е потребен, само благо поминете со четката на производот. 




Производов е дел од мојата секојдневна рутина со месеци. Бојата одлично прилега на мојот тен, не само летово туку мислам дека ќе го користам преку цела година.

Оцена 10/10.

Дали го користите бронзеров?

Friday, 21 August 2015

Feel like a princess

Здраво!


Верувам дека сите имате барем едно посебно парче во гардероберот. Моето посебно парче е ова здолниште кое е постаро од мене. Го присвоив од мајка ми пред неколку години и го носам многу често иако до сега не сум го фотографирала. Најчесто го комбинирам кошула и поелегантни чевли, но овој пат сакав да биде малку поопуштено.  Сепак секогаш кога го носам се чувствувам многу убаво. Се надевам ви се допаѓа.










Бонус фотографии :D 


 И омилената на Сара, која секогаш ми прави одлични фотографии.


Имајте убав викенд.