Friends

Tuesday, 26 May 2015

Eveline liquid precision eyeliner

Здраво!

Тушот за очи е дел од мојата секојдневна шминка. Повеќе од десет години користам туш и искрено без него се чувствувам како гола. Кога не носам туш, на истата линија нанесувам моливче или сенка, но тоа е само кога сакам мала промена.
Од почетокот до сега верна сум на Golden Rose, иако во меѓувреме пробував на Avon, Oriflame и некои без име :$
За овој туш читав многу на српските и хрватските блогови, но кај нас е потешко да се најде, барем мене. Пред некој ден влегов во една маалска аптека и на кога го видов на мојата среќа и немаше крај.

 Eveline liquid precision eyeliner доаѓа во мала, симпатична, пластична, црна амбалажа. Морам да признаам дека за моето око многу посимпатична е амбалажата за кафениот туш. 


 На самата амбалажа со златни букви го пишува името на фирмата, како и тоа дека е долготраен и водоотпорен.

 Кај отворот на тушот е вметнато картонче на кое има повеќе информации за тушот: земја на производство, бојата на тушот и колку милилитри е.
Тушот чини 155 денари и е 6 милилитри. Не знам дали цената зависи и варира од продажното место.

 Има дебела четка на која јас сум навикната. На неа кога ќе ја извадите од шишенцето останува доволно производ за двете очи. Течноста е малку погуста од онаа на Golden Rose, но мене ми се допаѓа. Со еден слој се добива убава црна боја, која е мат од кога ќе се исуши на капакот. Мене она што ми е малку потешко со овој туш е што нема многу остар врв четката, па извлекувањето на мачкаст крај е малку потешко. 


 На двете фотографии имате споредба каков е тушот кога со мокра рака ќе се потрие и каков е кога само ќе ја ставите раката под вода. 


 Колку е прецизен и каква линија и боја остава можете да видите на следната фотографија. Немам база, само тушот е на капакот.

 Како изгледа после 4,5 часа носење и  дожд можете да видите на оваа фотографија. Се извинувам за светлото, но мислам дека може да се види дека се уште е во добра состојба иако малку е испукан.


Јас сум задоволна од тушов, убав е за секој ден, особено кога сакате да биде посмирен изгледот на очите. До сега не сум користела туш кој е баш мат, но ми се допадна.
Долготраен е иако не останува на капакот како кога сте го нанеле. Водоотпорен е, тестиран на дожд :D, но лесно се мие или пак се вади со туферите на Balea, за кои имам пишувано веќе.


Би сакала да го пробам и кафениот.

Оцена од мене 9/10 само ради врвот на четката.

Дали сте го пробале? Користите ли друг производ на Eveline?

3 comments:

  1. Делува како супер производ, иако јас сум навикната да го користам оној со тенка четка. Досега немам користено производи од Eveline

    http://corleonka.blogspot.com/

    ReplyDelete
  2. Имаат и со тенка четка ама па јас не сум навикната на тенка четка. После толку години би требало да пробам :D

    ReplyDelete
  3. До сега не сум користела козметички производи на Eveline. Штом се вака достапни цените, можно е наскоро да пробам :)

    Sanja's Burgundy Blog
    Sanja's Burgundy Blog on Facebook

    ReplyDelete